(ژباړه)

په ۲۰۰۳ کال کې د امریکا له لوري د عراق له اشغال راهسي تر ننه، ۲۲ کاله کېږي چې عراق له مالي کړکېچ سره مخ دی او پراخ فقر او بېزلي پکې خوره ده. سره له دې چې د نفتو کلني عواید یې  سلګونه ملیارده ته رسیږي، سیاستوال او کارپوهان یې هر کال د داسې احتمالي مالي بحرانونو په اړه خبرداری ورکوي چې ښايي دولت د کارکوونکو معاشونه ور نه شي کړای.

د عراق د اقتصادي چارو کارپوه، نبیل المرسومي د ۲۰۲۵م کال د اګسټ په ۱۹مه نېټه پر خپله فېسبوک‌پاڼه ولیکل: «هغه رسمي مالي حسابونه چې مالیې وزارت د ۲۰۲۵ کال د لومړۍ نیمایي لپاره خپاره کړي؛ ښیي چې د معاشونو او امتیازونو ټولټال کچه شاوخوا ۴۴،۹ ټریلیونه دیناره ده؛ په داسې حال کې چې د خامو نفتو د صادراتو عواید ۴۵،۲ ټریلیونه دیناره ښودل شوي دي. یعنی یوازې د نفتو د عوایدو ۹۹،۲ سلنه د معاشونو ورکړه تمویلولای شي.»

دغه ویرونکي ارقام او دا خواشینوونکې معادله د دولت د اقتصادي نظام په اډانه کې د ژور فساد ښکاره بېلګي په ډاګه کوي. د یادوني وړ ده چې هغه لویه اندازه پیسې چې ادعا شوې د معاشونو او امتیازونو د تمویل لپاره ځانګړې شوې؛ په اصل کې یې لویه برخه د لوړو معاشونو، خیالي بستونو، رفحه (د سعودي په شمال کې د شیعه‌ګانو د یوه کمپ نوم دی چې د عراق دولت یې په نامه امتیازات ځانګړي کوي) او له درغلۍ ډکو پروګرامونو له لارې په درې‌ګونو ریاستونو (ولسمشرۍ، پارلمان او وزیرانو شورا) او د دوی په څانګو کې د فاسدو اشخاصو جیبونو ته ځي. ځکه خو وینو چې دا کسان د څوکیو پر سر سره جنګېږي او د یو بل پر وړاندې د تر ټولو ناولو وسیلو په کارولو دسیسې جوړوي. په هر ټاکنیز پړاو کې د همدغه وضعیت شاهدان یو.

اې مسلمانانو او اې د عراق خلکو! د عراق او نورو اسلامي خاورو ستونزه په نظام او هغو فاسدو او خاینو حکامو کې ده چې کفارو ستاسو د دولت له نړولو او ستاسو د واک له کمزوري کولو وروسته ستاسو پر اوږو بار کړل. دا ستونزه د هغو لنډمهاله او ټوټې-ټوټې کړنلارو له لاري نه حل کیږي چې د تش په نامه اقتصادي کارپوهانو لخوا یې هڅه کېږي. اقتصادي کارپوه، احمد التمیمي وايي: «د راتلونکې بودجې لومړنۍ وړاندوینې د دوامدار مالي کسر ښودنه کوي چې د یو شمېر سره تړلو عواملو په پایله کې رامنځته کېږي؛ په نړیواله کچه د نفتو د بیو کمښت یې تر ټولو مهم عامل دی چې د ټولو عوایدو تر ۹۰ سلنه زیاته برخه جوړوي. دغه راز، نور عوامل یې —په ځانګړي ډول په معاشونو کې—د عملیاتي لګښتونو پرلپسې زیاتوالی او له نفتو پرته د عوایدو په نورو سرچینو کې د تنوع راوړلو په برخه کې ښکاره کمزوري ده.» نوموړی زیاتوي: «له دغه کسر سره د مقابلې لپاره عملي حللارو ته اړتیا ده؛ چې پیل یې له دغو مواردو کېږي: د مالیاتي نظام اصلاح او د مالیې بنسټ پراخول، له غیررسمي سکتورونو مالیې راټولول، د قاچاق او فساد د مخنیوي لپاره د ګمرکي بندرونو د مدیریت د وړتیا ښه کولو له لارې د دولت عواید پیاوړي کول، او په منظم او عادلانه ډول د دولت د خدمتونو لکه برېښنا، اوبو او ښاروالۍ عوایدو په راټولولو کې زیاتوالی.»

دا ډول حللارې هغه وخت وړاندې کېږي چې د یو چا ذهنیت د رژیم له ذهنیت سره یو شان وي. ریښتینې او اغېزناکه حللاره دا ده چې د دغه خوسا رژيم او د هغه د فاسدو مشرانو ریښې له بېخه وباسو او پر ځای یې عادل الهي نظام حاکم کړو. اسلامي نظام، چې رب العالمین د بشریت لپاره غوره کړی، د هغو عادلو کسانو لخوا پلی کېږي چې له الله تعالی څخه ووېرېږي او د رسول الله ﷺ دغه مبارک حدیث تل په یاد ولري:

«كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ، فَالْأَمِيرُ الَّذِي عَلَى النَّاسِ رَاعٍ وَهُوَ مَسْئُولٌ عَنْ رَعِيَّتِهِ...»

ژباړه: «تاسو هر یو شپون یئ او هر یو به د خپلې رمې په هکله پوښتل کېږئ. خلیفه د خلکو پر سر شپون دی او د خپل رعیت په هکله به وپوښتل شي (مسول دی)».

حزب التحریر –هغه مخکښ چې خپلو خلکو ته درواغ نه وايي- تاسو همداسي درانه او عزتمند ژوند ته رابولي. نو د الله سبحانه وتعالی  حکم ته لبیک ووایئ، او د هغه د هغه سبحانه و تعالی د وعدې پوره کولو لپاره صادقانه هڅې  وکړئ:

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَٰلِكَ فَأُولَٰئِكَ هُمُ الْفَاسِقُونَ. [نور: ۵۵]

ژباړه: «الله په تاسو کې  هغو کسانو ته چې ایمان یې راوړی او نیک عملونه يې کړي، وعده ورکوي چې به حتما (د مخکنیو د حکومت وارثین) په ځمکه کې ګرځوي (ترڅو هغه ځمکه د ظالمانو د ظلم وروسته په خپل عدل سره اباده کړي) لکه مخکني (مومنان) يې د له هغوی څخه مخکې (طاغوتو) ځای ناستې کړل (حکومت او قدرت یې ورکړ). دغه راز د هغو لپاره به هغه دین (اسلام) پر محکمو بنسټونو ودروي چې الله تعالی ورته خوښ کړی دی او د ویرې (اوسنی) حالت به په امن ورته بدل کړي. هغوی دې زما بندګي کوي او له ما سره دې څوک شریک نه نیسي. او څوک چي له دې وروسته کفر غوره کړي، نو دوی فاسقان دي.»

او د رسول ﷺ هغه زېری چې دا (خلافت نظام) به د جبريیه حاکمیت تر زوال وروسته قايمېږي:

«ثُمَّ تَكُونُ مُلْكًا جَبْرِيَّةً، فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ خِلَافَةً عَلَى مِنْهَاجِ النُّبُوَّةِ. ثُمَّ سَكَتَ»

ژباړه: « وروسته به جبري پاچاهۍ (ظالمې او ديکتاتورې واکمنۍ) راشي، او څومره چې الله وغواړي دوام به وکړي، بيا چې کله الله وغواړي، دا به له منځه یوسي، او وروسته به بیا د نبوت پر منهج خلافت راشي... بیا (رسول الله صلی‌الله‌علیه‌وسلم) چوپ شو.»

د حزب التحریر – ولایه عراق مطبوعاتي دفتر

۱۴۴۷هـ.ق کال د صفر ۲۷مه

۲۰۲۵م کال، پنجشنبه، د اګسټ ۲۱مه

د صدور ګڼه: ۱۴۴۷/۰۳