(ژباړه)

د ۲۰۲۰ میلادي کال د ډیسمبر پر ۱۲مه د اردن په پوهنتونو کې د شرعیاتو پوهنځي د خپلو محصلینو لپاره یو کنفرانس جوړ کړ، چې دا کنفرانس د «اسلام له نظره د اردن د اوبو واقیعت، ګواښونه او حلارې» تر نامه لاندې د حج اوقافو وزیر داکتر محمد الخلیله او د جرمني د نړیوالو همکاریو سازمان ­­(GIZ)  په ملاتړ د زوم له برنامې څخه په ګټې اخیستنې جوړ شو.  

د شرعیاتو د پوهنځیو رییسانو، د دغه کنفرانس جوړوونکو او د شرعیاتو متخصصینو ته:

تاسو د داسې کنفرانس جوړونکي یاست چې د اردن د شرعیاتو پوهنځیو ټول محصلین پکې را ټول شول او د اسلام له نظره د اردن د اوبو د ستونزو او حلارو په اړه خبرې وشوې، خو موږ تاسو ته څو داسې ټکي در ښیو چې تاسو ترې سترګې نه شئ پټولی.

تر هرڅه وړاندې موږ د اوبو د ستونزو ډېرېدو په اړه د جرمني ادارې او نورو نړیوالو موسیسو همکارۍ  ته حیران شوو؛ په داسې حال کې چې موږ د اسلام له نظره د اوبو د ستونزو حل په اړه خبرې کوو؛ څه اړتیا ده چې مسلمانان خپلې ستونزې پر نړیوالو سازمانونو حلوي؟! ایا دا بسنه نه کوي چې تاسو د نړیوالو قوانینو پر اساس د فلسطین د قضیې حل ته په تمه یاست؟ چې دا په حقیقت کې د قانون له نظره د دې موضوع له منځه وړل دي.

دلته څو مهمو ټکو ته اشاره کوو:

لومړی: په اسلام کې اوبه عام المنفعه یادې شوې دي. په اسلامي ټولنه کې اوبه عام څیز دی چې الله سبحانه وتعالی خپل ملکیت ګڼلې دي او له شخصي ملکیت څخه یې منع کړې ده.

رسول الله (ص) فرمایلي:

«النَّاسُ شُرَكَاءُ فِي ثَلَاثٍ: فِي الْكَلَأِ، وَالْمَاءِ، وَالنَّار»

ژباړه: ټول خلک په درېیو شیانو کې شریک دي: (څړځایونه، اوبه او اور.

 پر همدغه اساس، د اوبو شخصي کول او په شخصي کمپنیانو یې پلورل منع دي. لکه د اردن په قضیه کې.

دویم: په اردن کې د اوبو ستونزه په اصل کې یو سیاسي مشکل دی، چې د اردن پر حکومتي سیستم او له یهودو سره د دغه هېواد د واکمنانو د اړیکو په درلودو پورې اړه لري. اردن د خپلو خلکو لپاره د اړینو او مناسبو اوبو په تیارولو کې خپله دنده په سمه توګه سرته ونه رسوله. د اوبو د کمبود له امله نه، بلکې دوی غواړي په تلپاتې ډول د تړونونو له لارې خپلې اوبه او د خلکو ژوند د کفارو او یهودو له غوښتنو سره وتړي؛ چې د انګلس پروژې یې پیل و. د امریکا د «جونستون پلان» یې پلی او له یهودو سره یې د «وادي عراب» تړون پای و، بلاخره یهودیانو وکولای شول چې د اردن تر ځمکې لاندې اوبو ته لاسرسی پیدا کړي.

درېیم: یهودیانو د اردن ډېرې اوبه د اشغال، تړون او یا د غلا له لارې تر لاسه کړې او اوسه هم دوام لري.

کله چې یهویانو ګولان اشغال کړ، نو د اردن د رود پر فرعي برخو یې لکه: (حسباني، بانیاس او الدان) خپل کنترول نور هم ډېر کړ او د یرموک سیند تر نیمایي ډېره برخه یې پخپل واک کې کړه.

د یهودیانو او اردن د هوکړو په اړه: د «وادي عرب تړون» کې د اوبو ذکر کولو ثبوت نشته. د بېلګې په ډول: د اوبو تړون په شپږو مادو کې راغلي: «دواړو لورو د اردن او یرموک سیندونو پر اوبو په مساویانه وېش هوکړه وکړه، چې د وادي عرب له ځمکې لاندې اوبو څخه سرچینه اخلي.»

د غلا په اړه: په ۱۹۹۲م کال کې د ملګرو ملتونو په راپور کې راغلي: « اسراییلو د اوبو په «ملي انتقالي کانال» کې له ټاکلې کچې څخه ډېرې اوبه بېولې دي او د اردن سیند سویلي خواته یې د اوبو ځنې مالګین او نامناسب رګونه او جریانونه ور ګرځولي، څو د (طایبیریاز) اوبه ککړې نه شي.

څلورم: مسلمانانو د دولت او ټولنې په جوړښت کې د اوبو ارزښت د یو مهم حیاتي عامل په توګه هغه وخت ښه درک کړ، کله چې د لومړي ځل لپاره په مدینه کې اسلامي دولت جوړ شو. کله چې رسول الله صلی الله علیه وسلم مدیني ته ولاړ، نو هلته یو څا و او رومیانو به ترې ګټه اخیستله. رسول الله صلی الله علیه وسلم وفرمایل:

«مَنْ يَشْتَرِيهَا مِنْ خَالِصِ مَالِهِ فَيَكُونُ دَلْوُهُ فِيهَا كَدِلَاءِ الْمُسْلِمِينَ، وَلَهُ خَيْرٌ مِنْهَا فِي الْجَنَّةِ...»

ژباړه: هر څوک چې دا کوهی په شخصي شتمنۍ واخلي او ډولچه یې د مسلمانانو لپاره وي، (کوهی مسلمانانو ته ورکړي او ورسره شریک یې کړي)، هغه به په جنت کې تر دې ډېر څه تر لاسه کړي.

دوی په فلسطین او ادرن کې د مسلمانانو پر اوبو د غاصبانو شتون نور هم ټینګ کړ او حتی مسلمانان یې د خپلو اوبو له کارولو څخه منع کړل، څو یې واکمنان له یهودیانو سره تړون وکړي.

پنځم: د اردون د اوبو مسله باید په بنسټیز ډول حل شي، د سیمې او امت په کچه، نه د ولایت په سطحه. اوبه د ټول امت یو عام او مشترک مال دی، چې ټول امت باید ګټه ترې واخلي. څرنګه چې رسول (ص) فرمایلي دي:

«مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ كمَثَلِ الْجَسَدِ الوَاحِد؛ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى»

ژباړه: د یوې عقیدې او باور خلک په مهربانۍ، شفقت او خواخوږۍ کې داسې دي لکه یو تن ­(جسم). کله یې چې یو غړی په درد وي، نو ټول بدن یې ورسره ناارامه وي.

دغه یو جسم باید په یوه سیاسي ارګان کې یو ځای او متحد شي، څو د یهودو حکومت له منځه یوسي، چې دا په ادرن او ټوله سیمه کې د اوبو ستونزه په اساسي ډول حل کړي.

په پایله کې: موږ ستاسې پاملرنه د حزب التحریر هغې رسالې ته اړوو چې په ۱۹۹۹م کال کې د «د اردن د اوبو ستونزه او د هغې حلاره څه ده؟» تر سرلیک لاندې خپره شوې ده. په هغې کې یې ستونزه او حلاره تشریح شوي دي. همدارنګه په اردن کې د اوبو واقیعت، ذخیره کول او وېش پکې واضح شوي دي. همدارنګه له ټولو اسنادو سره یوځای د اردن له لوري د اوبو ذخیره کولو پرتله، د خلکو اړتیا او هغه څه واضح شوي چې له دغو اوبو غلا شوي دي. 

په وروستیو کې موږ د الله سبحانه وتعالی دغه قول دریادوو:

(وَإِذْ أَخَذَ اللَّهُ مِيثَاقَ الَّذِينَ أُوتُوا الْكِتَابَ لَتُبَيِّنُنَّهُ لِلنَّاسِ وَلَا تَكْتُمُونَهُ) [عمران: ۱۸۷]

ژباړه: په یاد راوړئ هغه وخت، کله چې الله سبحانه وتعالی هغو کسانو ته اسماني کتاب ورکړ، ژمنه یې کړې چې هغه به خلکو ته ښکاره کړي او کتمان ونه کړي. خو هغوی شاته وغورځاوه او په لږ بیه یې وپلوره.

د حزب التحریر-ولایه اردن مطبوعاتي دفتر

خبر:

د فرانسې جمهور رییس مکرون د جمهوري ارزښتونو د پلي کېدو تر چتر لاندې د اسلامي نړۍ مشرانو ته ګواښ کړی.

تبصره:

د اسلام او مسلمانانو پر ضد د فرانسې کرکه ښکاره حقیقت دی او په ډېرو برخو کې ترسترګو کېږي. له مسلمانانو سره د فرانسې د دښمنۍ اور د دویمې نړیوالې جګړې پر مهال د نازي المان له عامه وژنې سره ورته والی لري؛ چې میلیونونه بې ګناه کسان، په ځانګړې توګه یهودان پکې ووژل شول. دوی هر وخت دا ډول فاسد سیاستونه مخ ته وړي او دا سې کړنې هر کال په ډېرو اروپایي هېوادونو کې (دوی اکثریت نه دي) تر سر لیک لاندې لمانځل کېږي چې اساسي مخاطبین یې مسلمانان دي.

د مسلمانانو پر وړاندې د فرانسې فاسد او ظالمانه سیاستونه زموږ له سترګو پټ نه دي او هر وخت یې را سپړو. د دغو ظالمانه سیاستونو له ډلې یو یې د فرانسې د ولسمشر له لوري پر اسلام برید دی چې ویې ویل: «اسلام په بحران کې دی او په دې سره یې په فرانسه کې مېشت مسلمانان او د نورو اسلامي هېوادونو اوسېدونکي خپل دښمنان کړل؛ ځکه مکرون په یادو څرګندونو سره د مسلمانانو پر عقیده برید وکړ. د فرانسې ولسمشر نه یوازې دا چې د رسول الله صلی الله علیه وسلم د سپکاوي کوونکو دفاع یې وکړه، بلکې پر دې یې هم بسنه ونه کړه او په دولتي ودانیو کې یې د محبوب رسول الله صلی الله علیه وسلم د کارتون خپرولو د طرحې جرات وکړ.

په فرانسه کې ډېری اسلامي سازمانونه او جوماتونه تړل شوي دي. مسلمانانو ته "بېلتون غوښتونکي" ویل کېږي. حتی د ښوونځي ماشومان نیول شوي او د مجرمینو غوندې چلند ورسره کېږي؛ ځکه چې دوی د رسول الله صلی الله علیه وسلم له سپکاوي په ډکو کارټونونو ناخوښي څرګنده کړه. اوس دوی غواړي چې دغه فشارونه نور هم وغځوي او ماشومانو ته یې د پېژندنې شمېرې ورکړي. همدارنګه په دې سره دوی تعقیب کړي او د هغوی د "کور زده کړې" محدودې کړي. په دغه هېواد کې د مسجدونو امامان باید راجسټر شي او مسلمانان اجازه نه لري چې سیاسي فعالیتونه وکړي. د فرانسې د کورنیو چارو وزیر دارمانین اعلان وکړ: هغه والدین، چې د کارتونونو په اړه شکایت کوي، د جنایي اعمالو لپاره به محاکمه شي او حتی له دندې او هېواده څخه به وشړل شي. همدارنګه د والدینو له خوا د "تدریسي توکو" په اړه شکایتونه، چې د دوی ماشومانو ته ورکول کېږي، جنایي جرم بلل کېږي.

د اسلامي نړۍ تش په نوم مشرانو ته د فرانسې له خوا ۱۵ ورځې وخت ورکړل شوی چې په دې موده کې باید داسې اعلامیه خپره کړي: «مسلمانان په فرانسه کې هر ډول بهرنۍ لاسوهنه ردوي او له اسلامي امت څخه یې جلا بولي.»

دا د فرانسې او فرانسوي چارواکو له لوري د ظلم څو بېلګې او هلته د تېرېدونکو پېښو لنډيز و چې وړاندې شو، خو که د دوی ظالمانه سیاستونو او دروغجنو ادعاوو ته ژور نظر وکړو، په اسانۍ دې پایلې ته رسېږو چې د دوی کړنې څومره له دښمنۍ ډکې او فاسدې دي.

دا په داسې حال کې ده چې سېکولرېزم له یوې خوا د خپلواکۍ او آزادۍ چغې وهي او له بل پلوه ظلم او جبر ته دوام ورکوي، چې دا د عقل او حکمت نښه نه ده، بلکې د ذهني خرابۍ او د سېکولرېزم تنګ لاسي په ډاګه کوي.

په هر صورت، کوم څه چې په بشپړ ډول حیرانوونکي دي، هغه دا دي چې هېڅ غربي هېواد په لږه توګه هم فرانسوي کړنې ونه غندلې. دلته زما مطلب دا نه دی چې ولې دوی د مظلومانو غږ نه اوري او ولې یې دفاع نه کوي؟ بلکې زما مطلب دا دی چې هېڅ غربي هېواد په رسمي ډول د فرانسې کړنې ونه غندلې او نه یې هم تایید کړې، ځکه چې دوی مشترک قانون، اصول، باورونه او ګټې لري.

د دوی دا ډول ګډ احساس، مسولیت او ژمنې کړنې د ډیموکراسۍ مفسدوالی او کمزوري په ډاګوي. مسلمانانو پر دې باور نه درلود، خو اوس سېکولران هم دا احساسوي چې ډیموکراسي د باور وړ حل لاره نه ده.

د حزب التحریر مرکزي مطبوعاتي دفتر

اوکې پالا

په نیدرلینډ کې د حزب التحریر د رسنیو استازی

د الله سبحانه و تعالی په فضل حزب التحریرـ کینیا خپل کمپاین پای ته ورساوه، چې د ۲۰۲۰م کال، د اګېست پر ۲۵مه پيل او د ۲۰۲۰م کال د ډيسمبر پر ۳۱مه پای ته ورسېد. په دغه کمپاین کې هغه څه په ډاګه شول چې په کینیا کې د ښوونځیو د ماشومانو تر منځ جنسي کړنې او تېري د کویډ ـ ۱۹ له امله د ښوونځیو تړل وو.

د کمپاین په جریان کې د حزب التحریر ځوانانو وکولای شول چې پر جوماتونو او کوڅو وګرځي او مخامخ بحثونه تنظیم کړي، څو د پانګوال نظام او سېکولریزم ناوړه کړنې افشا کړي؛ چې نه یوازې په ټولنیز کړکېچ ونډه لري، بلکې ژوند یې ټول له ستونزو او کړکېچونو سره مخ کړی دی.

 په ټوله کې اسلامي امت د خپل لومړني مسوولیت  یادونه وکړه چې د غرب له کلتوري ناوړه او تخریبي فعالیتونو او همدا راز د دوی له یرغل څخه ماشومان وساتي او په هغوی کې اسلامي هویت تضمین  کړي.

د کمپاین هشټګونه په لانې ډول وو:

#کووېډـ۱۹ـ د پانګوال  نظام ـ واقعیت ـ ښکاره کړ

#کووېډـ ۱۹ ـ سېکولرېزم ـ دین ـ له ـ ژوند ـ څخه ـ بېلوي

#کووېډـ۱۹ـ ناورین ـ په ـ پانګوال ـ نظام ـ کې ـ دـ پانګوالوـ پانګه ـ ډېره ـ کړه

موږ الله سبحانه و تعالی ته خپل لاسونه لپه کوو چې زموږ عملونه قبول کړي او د نبوت پر منهج مو خلافت په برخه کړي، څو زموږ ځوان نسل او امت له پانګوال فاسد نظام څخه وژغوري.

شباني موالیمو

د حزب التحریرـ کینیا مطبوعاتي استازی

خبر:

په سږني کرېسمس کې ولسمشر ټرمپ د هغو جنګي مجرمینو لپاره بخښنه وغوښته چې دوو تنو یې د روسيې په ځانګړو څېړنو کې خپل جرمونه منلي وو. څلور نور یې د ملکي عراقیانو په وژنه تورن وو او دری نور مجرمین یې په کانګرس کې د جمهوري غوښتونکو له ډلې وو. (نیویارک ټایمز، ۲۰۲۰م ډیسمبر ۲۴)

عراقیانو هغه مهال ټکان وخوړ کله چې ولسمشر ټرمپ د بلک واټر هغه څلور جنګي مجرمین وبخښل چې په ۲۰۰۷م کال کې یې جنګي جنایتونه ترسره کړي وو. (ټي آر ټي ورلډ، ۲۰۲۰م ډيسمبر ۲۴)

تبصره:

په ۲۰۰۷م کال کې د بغداد په نثار څلور لارې کې د بلک واټر وحشيانو په عام ډول ۱۴ عراقیان مړه او ۱۷ نور ټپیان کړل. د همدغو مجرمینو لپاره ولسمشر ټرمپ د بخښنې غوښتنه وکړه. دا لومړی ځل نه دی چې ولسمشر ټرمپ کرایي قاتلینو ته بخښنه کوي، له دې مخکې یې د موصل په سمندري ځواکونو کې ګلاګیر وحشي مجرم ته هم بخښنه وکړه. ګلاګیر او د هغه مېرمن یې د هرکلي لپاره راوبلل. (واشنګټن پوسټ)

د ټي آر ټي نړیوال ټلویزیون په یوه مرکه کې راغلي: «ولسمشر ټرمپ دا ثابته کړه چې عراق یې خپلواک نه، بلکې اشغال کړی دی. (ټي آر ټي)

دا به د لویدیځ هېوادونو وروستی ځل نه وي چې خصوصي شرکتونو ته د امنیت په سپارلو کې پر میتودونو معامله کوي او ترشا یې نړیوال سیاسي اهداف تعقیبوي، څو له دې لارې  ډبلې پیسې ترلاسه کړي. دا ډول هدفي وژنې او فعالیتونه ترسره کول له حکومت او استخباراتي کړیو پرته ناشوني دي.

د ولسمشر ټرمپ لخوا کرایي قاتلینو ته بخښنه کول په څه معنا؟ له دې څرګندېږي چې دا خصوصي شرکتونه خصوصي نه دي، بلکې ترشا یې دولتونه شتون لري، قوي طرحې ورکوي، څو د دوی پر مټ خپلې وحشي کړنې ترسره کړي او ترشا یې خپل ځانونه پټ کړي، همدارنګه خپلو موخو ته ورسېږي. که دوی دا ډول کرایي قاتلینو ته بښنه ونه کړي، ورو ورو به دا قاتلین کم شي او بیا به دا حکومتونه له نړیوالو محکمو کوم لوري ته تښتي؟ د کونډو، رنډو او یتیمانو لپاره عدالت چېرته دی؟

د امریکا او بریټانیا له لوري ملا ماتوونکي بندیزونه په دې وروستیو لسیزو کې د بې شمېره عراقیانو، افغانانو او نورو مسلمانانو وژنه د بشر په تاریخ کې ساری نه لري. د کافر غرب له لوري له اسلام سره دښمني د دوی له ویناوو څخه څرګندېږي. میډیلن البرټ او نور غربیان چې کومه دښمني په الفاظو کې څرګندوي، تر هغه ډېره کمه ده چې په زړه کې یې لري. اسلامي امت به تر هغه دا ډول ټکانونه خوري، څو چې له ژور خوب څخه پاڅېدلي نه وي. امامان به امت ته دا حساب ورکوي چې د ټوټه ټوټه امت یو ځای کولو په اړه یې غږ نه دی پورته کړی. کافر غرب په تېره بیا امریکا مسلمانانو او اسلامي مقدساتو ته هر ډول سپکاوی کړی او په بېلابېلو نومونو یې خپلې وحشي کړنې ستایلې دي. د دغو ټولو جرمونو د پټولو لپاره یې د بشر حقونو خیالي اصطلاح کارولې، هغه جنایتونه که په عراق کې دي، که په افغانستان او که په نورو ځایونو کې. په هر صورت دا جنایتونه یوازې د ګوډاګيو رژیمونو په ملګرتیا سره شوني دي. دغو وحشي وژونکو ته په بښنې سره د عراقي حکومت غبرګون څه و؟ د ملګرو ملتونو او نړیوالې ټولنې غبرګون څه و؟ ټرمپ هڅه کوي چې د خپل معیوب پړاو په جریان کې له خپلو شریکانو سره ډېری ټکي ورستي کړي او د امریکا په تاریخ کې خپل ریکارډ ثبت کړي.

د حزب التحریر مرکزي مطبوعاتي دفتر

منال بدر