د ډیموکراسۍ ناکامي له ورایه ښکاري. د مشرف، زرداري، نواز او عمران خان د پارلماني ډیموکراسۍ له ناکامۍ وروسته په ډاګه شوه، چې د انسان له محدود ‌ذهن څخه د قوانینو پر بنسټ هر ډول حکومت ناکام شوی دی. دغه ډول غربي واکمنو رژیمونو پاکستان د لسیزو راهیسي د غربي استعماري استثمار غلام کړ. د ډیموکراسۍ تر چتر لاندې ان خلک نه شي کولای چې د ورځې دوه وخته خواړه ځان ته برابر کړي، سربېره پر دې بیا هم واکمنان دوه او څلور برابره مالیه اخلي او د سوداګریزو بانکونو اوIMF  د بډایه کولو په موخه خلک لوټي. په داسې حال کې چې د مالیاتو ثبتول لا هم د سود د تادیاتو لپاره کافي نه دي، واکمنان ډېرې کاغذي پيسې چاپوي او د انفلانسیون له لارې زموږ جیبونه خالي کوي. په پارلماني ډیموکراسۍ کې، ذینفع ډلې خپله توره د لومړي وزیر پر سر ځړوي، په داسې حال کې چې په ولسمشریزه ډیموکراسۍ کې همدا ډلې د مناسبو رایو لپاره له دولت څخه د قوانینو د تصویب په موخه باج اخلي.

په حقیقت کې ډیموکراسي په نړیواله کچه تر دې حده ناکامه شوې ده، چې د نړۍ ټولو غربي نظامونو د نړۍ په سترګو کې خپل باور له لاسه ورکړی او د پيسو نړیوال صندوق، نړیوال بانک، د مالي اقدام کاري ځواک، ملګري ملتونه او د عدالت نړیوالې محکمې ناوړه څېرې ښکاره شوې دي. د دولت ـ ملت نظم او ډیموکراتیک قوانین په اسلامي نړۍ کې د غرب د تسلط دوام تضمینوي. د ډیموکراسۍ د دوام وخت نور پای ته رسېدلی او اوس د نړیوال خلافت وخت رارسېدلی، چې له پاکستان څخه سر راپورته کړي. هغه خلافت چې الله تعالی یې وعده کړې او رسول صلی الله علیه وسلم یې زیری ورکړی دی.

خلافت د پارلماني او صدارتي ډیموکراسۍ په څېر په پولو کې محدود نه دی. خلافت به د غربي استعمار له لوري رامنځ ته شوو پولو په ړنګولو سره او د یو پیاوړي نړیوال قدرت په توګه په سر راپورته کولو سره به د مسلمانانو خاورې، وسله وال ځواکونه او اقتصادي سرچینې سره یو ځای کړي. خلافت د پارلماني او صدارتي ډیموکراسۍ برعکس دا یقیني کوي، چې اسلامي قانون تر ټولو لوړ دی. خلیفه د خپلو نفسي خواهشاتو پر اساس د قوانینو د جوړولو واک نه لري، هېڅوک نه شي کولای چې په قانون کې لاسوهنه وکړي، د سیمه ییزو اشرافو د مهارولو او د بهرنیو استعماري لاسوهنو اصلي لامل له منځه وړي. خلافت د پارلماني او صدارتي ډیموکراسۍ برعکس د ژوند چارې د منتخب خلیفه له لوري اداره کوي او سیاسي ثبات تضمینوي. له خلیفه سره د وسله والو ځواکونو عملیاتي قومندان هم د حاکم اسلامي رژیم د پوځي واکمنۍ پر وړاندې د ملکي حاکمیت لپاره مبارزه له منځه وړي، چې پاکستان یې د څو لسیزو راهیسي فلج کړی دی.  خلافت به یو اسلامي اقتصادي نظام پلي کړي، تر څو په ټولنه کې د شتمنیو وېش یقیني کړي او د څو شتمنو په لاس کې د شتمنۍ پراخه غلظت له منځه یوسي، چې د پانګوال نظام له لوري یې تضمین شوی و. خلافت د هغو سودونو له ادا کولو څخه ډډه کوي چې په اسلام کې حرام دي او د ملت پیسې پر خپل ملت لګوي. خلافت به د نړۍ استعماري نظام، د غرب نړيوال قانون، نړيوال استعماري بنسټونه او پانګوال اقتصادي نظام ردوي. د الله تعالی د ارشاداتو، قرآن او د رسول الله صلی الله عليه وسلم د سنتو سره سم به يو عادلانه نړيوال نظم رامنځ ته کوي. نو راځئ چې د نبوت پر منهج راشده خلافت بیا تاسیس کړو! الله سبحانه و تعالی فرمايي:

{وَقُلۡ جَآءَ الۡحَـقُّ وَزَهَقَ الۡبَاطِلُ اِنَّ الۡبَاطِلَ كَانَ زَهُوۡقًا‏}[اسرا: ۸۱]

ژباړه: او اعلان وکړه چې: حق راغی او باطل له منځه لاړ، باطل خامخا له منځه تلونکی دی.

د حزب التحریرـ ولایه پاکستان مطبوعاتي دفتر

خبر:

د ۲۰۲۲م، د جنوري په ۱۳مه، د پنجشنبې په ورځ د مالیاتو یوه جنجالي لایحه، چې د اضافي بوديجې په نامه یادېږي او ورسره د پاکستان د دولتي بانک د ۲۰۲۱م، اصلاحي لایحه د یوې اوږدې غونډې په ترڅ کې، چې د مخالفینو له خوا له سختو نیوکو سره مل وه تصویب شوه. دغه مالیاتي اصلایي لایحه او د پاکستان د دولتي بانک لایحه د ۲۰۲۱م، د دسمبر د میاشتې په ۳۰مه، وړاندې شوه. پکار ده چې د دې ډاډ تر لاسه شي، چې ایا د نړیوال بانګ یا (IMF) د پلاوي له لوري د ۶میلیارده تایید شوو ډالرو لپاره د پاکستان ۶مه څېړنه تایید شوي او که نه.

تبصره:

وروسته له هغې چې ۲۰۲۲-۲۰۲۱ کال لپاره کلنۍ بودیجه تصویب شوه، یوازې شپږ میاشتې وړاندې، د تحریک انصاف ګوند په مشرۍ فدرالي حکومت په چټکۍ سره اضافه مالیه وتپله، ترڅو د نړیوالې وجهې صندوق له شرایطو سره ځان برابر کړي او په دې توګه د فدرال دولت څه د پاسه د ۳۵۰ بېلیونو روپیو په ارزښت معاف شوې مالیه، بېرته واخیسته. د پاکستان د دولتي بانک اصلاحي لایحه، چې په ۲۰۲۱ م، کې تصویب شوې وه، د دغه بانک رییس ته یې صلاحیت ورکړی و، چې دوی به قضاء، اجراییه او پارلمان ته ځواب ویونکي نه وي. دوی په ښکاره توګه د پاکستان دولتي بانک نړیوال وجهې صندوق ته وسپاره، ځکه د دغه بانک اجراییوي رییس رضا باقر له نړیوال وجهې صندوق سره په بېلابېلو پوسټونو کار کړی او ورته باوري کس دی. په پټو سترګو د نړیوال وجهي صندوق ټول شرایط منل د فاسدو بې کفایتو او بیوروکراسیو دولتونو وظیفه ده، چې د پاکستان واکمنان غواړي خپل خلک په پور، انفلانسیون، بېکارۍ ، بې وزلۍ په کندو کې ډوب کړي.

په دې اړه تش په نامه مخالف ګوندونه، یوازې د دی انتظار باسي، چې څنګه ډیموکراسۍ ته داخل شي، دوی هم د اوسنیو واکمنانو په څېر د استعمار ګرانو امر ته په تمه دي، چې ښکاره بېلګه یې د دغو دوو لایحو تصویبول و، چې د همدې مخالفو ډلو غوښتنه وه. دغه راز دوی کولای شوای چې د بېلابېلو وسایلو په کارولو سره د دولت د دا ډول پرېکړو مخه ونیسي، خو د دغو احساساتي ګوندونو کادرونه یې د ستړي کېدو له لارې له پښو وغورځول.  

د انصاف مخالف ګوند په څېر، نور ګوندونه هم  په فکري لحاظ منحط ګوندونه دي او د پاکستان د اقتصادي ستونزو د حل لپاره کومه بدیله اجنډا نه لري. دوی غواړي چې د نړیوال وجهې صندوق له شرایطو سره سم د پانګوالۍ اقتصادي نظام پلی کړي. دغه ګوندونه یوازې د خلکو له احساساتو ناسمه ګټه اخلي، ترڅو ډاډ ترلاسه کړي چې دوی هم د (PTI)  په څېر کار کوي. کله چې رسنیو ورڅخه پوښتنه وکړه چې که تاسې واک ته ورسېږئ، د ملي اسمبلې یوه مهم  مخالف غړي ځواب ورکړ، چې دوی به له نړیوال وجهې صندوق سره په دې اړه یو ځل بیا خبرې وکړي، چې د هغه پخوانۍ خبرې دي. 

د پاکستان ستونزه د اوسني غربي نظام په چوکاټ کې د ګوندونو، څېرو په بدلون نه حل کیږي، بلکې انقلابي بدلون ته اړتیا لري. اوس د دې وخت رارسېدلي، چې ډیموکراسي او دېکتاتوري له منځه یوسو او د نبوت پرطریقه اسلامی خلافت تاسیس کړو، ځکه چې په اسلام کې فرض دی. د اسلام اقتصادي نظام چې د خلافت له خوا به پلي کیږي، د پاکستان له پراخه سرچینو او ظرفیتونو څخه به ښه ګټه پورته کوي او له استعمار او استثمار څخه به یې ساتي. یوازې خلافت به الله سبحانه وتعالې او د هغه د رسول الله صلی علیه وسلم احکام اوامر او نواهي په رېښتیني توګه پلی کړي.

د اسلام اقتصادي نظام، چې د خلافت له خوا پلی کېږي، د پاکستان له پراخو منابعو او ظرفیتونو څخه د استعماري استثمار مخه نیسي. یوازې خلافت به د الله سبحانه وتعالی او د هغه د رسول  صلی الله علیه وسلم احکامو او ممنوعاتو ته په کلکه رعایت کولو سره به د پاکستان ریښتینې وړتیا پوره کړي. الله سبحانه وتعالی فرمايي:

{وَمَنْ يَّـتَّـقِ اللّٰهَ يَجْعَلْ لَّهٗ مَخْرَجًا}[الطلاق:۲]

ژباړه: څوک چې له الله تعالی ووېریږي، نو الله تعالی به د هغه لپاره له ستونزو د وتلو یوه لاره پیداکړي.

د حزب التحریر مرکزي مطبوعاتي دفتر لپاره

لیکوال انجنیر شهزاد شیخ

د حزب التحریر ـولایه پاکستان مطبوعاتي دفتر غړی

ژباړن: محمد هارون ر‌ؤفی

ډنمارک یو ځل بیا اسلامي نړۍ ته د سرتېرو استولو پریکړه وکړه. د ډنمارک دفاع وزارت د ۲۰۲۲م، د جنوري په ۱۸مه، اعلان وکړ چې ۳سوه ډنمارکي جنګیالي به مالي ته واستوي، دوی له ۲۰۱۳م، راهیسې د فرانسې د "ترهګرۍ ضد مداخلې" سره مرسته کوي.

د ډنمارک د دفاع وزارت په وینا، موخه یې د "مالي دفاعي او امنیتي ځواکونو" ملاتړ کول دي، ځکه چې "د ډنمارک ځانګړي عملیاتي ځواکونه په نورو هېوادونو کې د روزنې ډېر کلونه تجربه لري، چې په افغانستان او عراق کې د ورته ماموریتونو لپاره ګومارل شوي وو."

د ډنمارک د دفاع وزارت په ډېره سپین سترګۍ سره په افغانستان او عراق کې د ماتې لپاره د مالي هڅې پرتله کوي! پرتله کول د پوهېدو وړ لاره ده. په عراق، افغانستان او مالي کې، د ډنمارک پوځي حضور د فاسدو او بې وجدانه ترهګرو رژیمونو د ملاتړ په توګه کار کاوه، چې یوازینۍ دنده یې د غربي قدرتونو تسلط ډاډمن کول وو. په ټولو دریو مواردو کې پایله د غربي متحدینو بشپړه ماتې او ذلت و.

کله چې د مالي پوځي جنتا د ۲۰۲۱م، په مې میاشت کې، کودتا وکړه، د بهرنیو چارو وزیر جیپ کوفود ۲۰۲۱م، د مې په ۲۹مه وویل، چې ډنمارک مالي ته د سرتیرو لیږلو تمه نه لري، یوازې غواړي "د حکومت او یوه داسې نظام سره همکاري وکړي، چې له دوی سره ملګرتیا وپالي، چې اوس یې نه پالي."

که څه هم د مالي په پوځي دیکتاتورۍ کېله هغه وخت راهیسې هېڅ بدلون نه دی راغلی، د ډنمارک دولت بیا هم د سرتېرو د لیږلو پریکړه وکړه. په مالي کې رژیم د تل په څېر د خپلو خلکو پر وړاندې وحشیانه، وژونکی او ظالم دی! داسې ښکاري چې د ډنمارک د بهرنیو چارو وزیر او حکومت اوس په دې باور دی، چې په مالي کې دیکتاتور رژیم، هغه تمې پوره کوي، چې ډنمارک یې له یوه ملګري څخه لري!

جیپ کوفود د ۲۰۲۲م، د جنوري په ۱۸مه، له DR TV-Avisen سره په یوه مرکه کې له «ترهګرۍ څخه د ډنمارک د ساتنې» لپاره د «ترهګرۍ پر وړاندې جګړه» پلمه کوله. د دې دروغو ښکاره ثبوت دا دی چې له ۲۰۱۳م، راهیسې، فرانسې هم په ساحل کې د «ترهګرۍ پر وړاندې جګړې» تر پلمې لاندې خپلې استعماري پروژې پر مخ وړلې. خو فرانسې له مالي څخه وتل پیل کړل او اعلان یې وکړ چې «ترهګریز  خوځښتونه» نن ورځ له ۹ کلونو وړاندې ډېر پیاوړي دي! ایا د ډنمارک ۳سوه جنګیالي د دې وړتیا لري، چې هغه څه تر سره کړي چې د فرانسې اردو د اروپا د لویې وچې په اندازه نه شوای ترسره کولی!؟

د بهرنیو چارو وزیر وویل، چې د ماموریت موخه یې "اروپا او ډنمارک ته د کډوالۍ مخنیوی" دی. د بهرنیو چارو وزیر په دې سره غواړي په اسلامي نړۍ کې بله صلیبي جګړه توجیه کړي. سربېره پر دې، همدا دلیل د حکومت یو بل ښکاره دروغ دي، ځکه ډېری کډوال، چې اروپا ته د رسیدو په لټه کې دي د سوریې او افغانستان په څېر هېوادونو څخه راغلي او له ساحل سره هېڅ تړاو نه لري!

ډنمارک د روسي اجیرانو، د مالي فاسدو امنیتي ځواکونو او د غربي قدرتونو امپریالیستي اتحاد سره یو ځای د استعمار په خدمت کې د اسلامي نړۍ پر وړاندې یو بل یرغل پیل کړ. پایله به یې د عراق او افغانستان د پخوانیو یرغلونو په څېر وي: د بی‌ګناه مسلمانانو وژنه، د ظالمو رژیمونو ملاتړ او بالاخره په وتلو سره یې هېڅ یو، خپل ناوړه هدف نه شي تر لاسه کولی.

موږ حزب التحریرـ ډنمارک د یوې بلې اسلامي خاورې پر وړاندې دغه استعماري صلیبي جګړه په کلکه غندو او له غربي اشغالګرو ځواکونو سره هر ډول مخالفت مشروع او د ستایلو وړ بولو.

د حزب التحریر ـ ډنمارک مطبوعاتي دفتر